2015 jylǵy 13 naýryz, Astana qalasy
Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesin bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymyndaǵy Qazaqstan Respýblıkasy Zańynyń 17-baby 27-4)-tarmaqshasyna sáıkes buıyramyn:
1. Qosa berilip otyrǵan Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııa týraly ereje bekitilsin.
2. Qazaqstan Respýblıkasy Energetıka mınıstrligi Jer qoınaýyn paıdalaný departamenti Qazaqstan Respýblıkasynyń zańnamasynda belgilengen tártippen:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde osy buıryqty merzimdi baspasóz basylymdarynda jáne «Ádilet» aqparattyq quqyqtyq júıesinde resmı jarııalaýǵa joldanýyn;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Mınıstr V.ShKOLNIK.
Qazaqstan Respýblıkasy Energetıka mınıstriniń
2015 jylǵy 13 naýryzdaǵy №187 buıryǵymen bekitilgen
Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesi
1. Jalpy erejeler
1. Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesi Qazaqstan Respýblıkasy boıynsha kómirsýtek shıkizaty, kómir men ýranǵa jer qoınaýyn paıdalaný quqyǵyn berýge arnalǵan konkýrstyń (budan ári – Komıssııa) mindetterin, fýnksııalaryn, quqyqtary men jumys tártibin anyqtaıdy.
2. Komıssııa Qazaqstan Respýblıkasynyń jer qoınaýy jáne jer qoınaýyn paıdalaný týraly zańnamasyna sáıkes kómirsýtek shıkizaty, kómir men ýran bóliginde paıdaly qazbalarǵa qatysty jer qoınaýyn paıdalaný quqyǵyn berý úshin konkýrs ótkizý jáne onyń jeńimpazyn aıqyndaý maqsatynda qurylǵan turaqty jumys isteıtin alqaly organ.
3. Komıssııa óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańnamalyq aktilerin, Qazaqstan Respýblıkasynyń ózge normatıvtik quqyqtyq aktilerin, sondaı-aq osy Erejeni basshylyqqa alady.
2. Komıssııanyń mindetteri, fýnksııalary men quqyqtary
4.Komıssııanyń negizgi mindetteri:
1) kómirsýtek shıkizaty, kómir men ýran bóliginde paıdaly qazbalardy barlaýǵa, óndirýge, birlesken barlaý men óndirýge jer qoınaýyn paıdalaný quqyǵyn alýǵa konkýrstyq usynystardy qaraý jáne baǵalaý;
2) kómirsýtek shıkizaty, kómir men ýran bóliginde paıdaly qazbalardy barlaýǵa, óndirýge, birlesken barlaý men óndirýge jer qoınaýyn paıdalaný quqyǵyn berýge arnalǵan konkýrsqa qatysýshylardyń ishinen jeńimpazdy anyqtaý bolyp tabylady.
5. Komıssııanyń fýnksııalary:
1) konkýrstyq usynystardyń ýaqtyly jáne sapaly qaralýyn qamtamasyz etý;
2) usynylǵan konkýrstyq usynystardy obektıvti jáne jan-jaqty baǵalaý bolyp tabylady.
6. Komıssııanyń:
1) konkýrsqa qatysý úshin tapsyrylǵan konkýrstyq usynystardy baǵalaýǵa, salystyrýǵa;
2) konkýrs jeńimpazyn anyqtaýǵa;
3) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynda (budan ári – Zań) belgilengen negizder boıynsha konkýrsty ótpegen dep tanýǵa;
4) memlekettik organdardan, uıymdardan, ózge adamdardan qajetti aqparatty suratýǵa;
5) otyrystarda Komıssııa múshelerin, memlekettik organdardyń, uıymdardyń ókilderin, ózge de adamdardy tyńdaýǵa;
6) Zańda belgilengen negizder boıynsha konkýrstyq usynysty keıinge qaldyrýǵa;
7) qajet bolǵan kezde tıisti salalardaǵy mamandardyń ishinen sarapshylardy tartýǵa;
8) Qazaqstan Respýblıkasynyń «Jer qoınaýy jáne jer qoınaýyn paıdalaný týraly» Zańynda kózdelgen ózge de quqyqtardy júzege asyrýǵa quqyǵy bar.
3. Komıssııanyń jumys tártibi
7. Komıssııany tóraǵa basqarady. Tóraǵa bolmaǵan kezde onyń fýnksııalaryn orynbasary oryndaıdy.
8. Komıssııa jumysyn uıymdyq-tehnıkalyq qamtamasyz etýdi Komıssııanyń jumys organy júzege asyrady.
9. Komıssııanyń jumys organynyń mindetin Qazaqstan Respýblıkasy Energetıka mınıstrliginiń (budan ári – Mınıstrlik) Jer qoınaýyn paıdalaný departamenti júzege asyrady.
10. Komıssııa hatshysy konkýrstyq usynystardy qabyldaý merzimi aıaqtalǵannan keıin bes kúntizbelik kún ishinde bul týraly jer qoınaýyn paıdalaný obektisi men ótinish berýshiler tizimin kórsete otyryp, Komıssııa tóraǵasyn, al ol bolmaǵan kezde tóraǵanyń orynbasaryn habardar etedi.
11. Komıssııa otyrystary oǵan komıssııa músheleri jalpy sanynyń keminde úshten ekisi qatyssa, zańdy dep sanalady.
4. Komıssııanyń tender ótkizýdegi jumys tártibi
12. Komıssııanyń konkýrstyq usynystar salynǵan paketterdi ashý boıynsha otyrysynda Komıssııa hatshysy otyrystyń árbir qatysýshy Komıssııa múshesine konkýrstyq usynystar kóshirmesi salynǵan pakettiń bir danasyn beredi.
13. Komıssııamen konkýrstyq usynystar salynǵan paketterdi ashý Komıssııa músheleriniń jaı kópshiligi jáne ótinish bildirýshilerdiń ýákiletti tulǵasynyń qatysýymen júrgiziledi.
14. Komıssııa músheleri konkýrstyq usynystar kóshirmesi salynǵan paketti alǵannan keıin óz betimen ashady.
15. Komıssııanyń hatshysy osy Erejeniń 1-qosymshasyna sáıkes nysan boıynsha Qazaqstan Respýblıkasynda jer qoınaýyn paıdalaný quqyǵyn alýǵa konkýrstyq usynystar salynǵan paketterdi ashý hattamasyn resimdeıdi.
16. Konkýrstyq usynystar salynǵan paketterdi ashý hattamasyna komıssııanyń otyrysqa qatysqan barlyq músheleri qol qoıady.
17. Hattamaǵa qol qoıylǵannan keıin Komıssııa tóraǵasy, al ol bolmaǵan kezde tóraǵanyń orynbasary jer qoınaýyn paıdalaný quqyǵyn berýge arnalǵan konkýrstyń jeńimpazyn anyqtaý boıynsha Komıssııanyń otyrysy bolatyn kúndi, ýaqytty jáne oryndy belgileıdi.
18. Komıssııa músheleriniń alynǵan konkýrstyq usynystardy zerdeleý nátıjeleri boıynsha Komıssııanyń qatysyp otyrǵan árbir múshesi qaralǵan jer qoınaýyn paıdalaný obektileri boıynsha osy Erejeniń 2-qosymshasyna sáıkes nysan boıynsha daýys berý paraqtaryn toltyrady jáne Komıssııanyń hatshysyna jer qoınaýyn paıdalaný quqyǵyn berýge arnalǵan konkýrstyń jeńimpazyn anyqtaý boıynsha komıssııa otyrysy ótetin kúnge deıin bir jumys kúninen keshiktirmeı joldaıdy.
19. Komıssııa sheshimi daýys berýshiler sanynyń kópshiliginiń daýys berý paraǵy negizinde qabyldanady.
20. Jer qoınaýyn paıdalaný quqyǵyn berýge arnalǵan konkýrstyń jeńimpazyn anyqtaý boıynsha Komıssııa otyrysy aıaqtalǵannan keıin Komıssııanyń hatshysy osy Erejeniń 3-qosymshasyna sáıkes nysan boıynsha Jer qoınaýyn paıdalaný quqyǵyn alýǵa konkýrs qorytyndylarynyń hattamasyn rásimdeıdi, oǵan Komıssııanyń otyrysqa qatysqan barlyq músheleri qol qoıady.
21. Eger konkýrsqa qatysýshy daýys bergen Komıssııa músheleri sanynyń jartysynan artyǵynyń daýysyn almaǵan jaǵdaıda, neǵurlym kóp daýys alǵan eki ótinish berýshi boıynsha qaıtadan daýys berý ótkiziledi.
22. Qaıta daýys bergen jaǵdaıda, Komıssııa músheleriniń daýystary teń bolsa, tóraǵanyń daýysy sheshýshi bolyp sanalady.
23. Konkýrstyń qorytyndylaryn shyǵarý merzimi konkýrstyq usynystardy berý merzimi aıaqtalǵan kúnnen bastap on bes kúntizbelik kúnnen aspaýǵa tıis. Kórsetilgen merzim Komıssııanyń sheshimi boıynsha, biraq bir aıdan aspaıtyn ýaqytqa uzartylýy múmkin.
24. Konkýrsqa qatysýshylar konkýrs qorytyndylaryna Zańda belgilengen tártippen shaǵymdanýy múmkin.
25. Tender qorytyndylary shyqqannan keıin bes jumys kúnnen aspaı ótkizýshi quzyretti organ konkýrstyń nátıjelerin resmı baspa basylymynda birýaqytta qazaq jáne orys tilderinde, sondaı-aq quzyretti organnyń resmı ınternet-resýrsynda jarııalaıdy.
5. Aýksıondy ótkizýdegi Komıssııanyń jumys tártibi.
26. Aýksıon aýksıon ótkizilý týraly habarlamada kórsetilgen merzimde Komıssııamen ótkiziledi.
27. Jer qoınaýyn paıdalaný quqyǵyn berý aýksıony ótkiziletin kúni Komıssııanyń hatshysy aýksıonǵa qatysýshylardyń ókilderin tirkeıdi.
Tirkelý aýksıon bastalǵanǵa deıin bir saǵat buryn bastalyp, aýksıonnyń bastalýyna 5 mınýt qalǵanda aıaqtalady. Aýksıonnyń tirkelgen qatysýshylarynyń tizimi Komıssııa Tóraǵasyna usynylady.
28. Jer qoınaýyn paıdalaný quqyǵyn berý aýksıony ashyq túrde, aýksıonǵa qatysýshylardyń qol qoıylatyn bonýstyń mólsheri jóninde ózderiniń usynystaryn habarlaý arqyly ótkiziledi. Aýksıon adymynyń mólsheri aýksıondy ótkizýdiń jalpy sharttarynda qol qoıylatyn bonýstyń bastapqy mólsheriniń paıyzdyq arasalmaǵynda belgilenedi.
29. Jer qoınaýyn paıdalaný quqyǵyn berý aýksıonyn ótkizýge tikeleı quqyǵy Komıssııamen jaldanatyn, nemese Komıssııa quramy múshelerinen saılanatyn aýksıonshyǵa tapsyrylýy múmkin.
30. Aýksıonǵa qatysýshylarǵa olar qol qoıylatyn bonýs shamasynyń kezekti mólsherin jarııalaý kezinde, eger de osy somany bildirýge daıyn bolǵan jaǵdaıda, kóteretin berilgen tirkeý nómiri bar taqtaıshalar taratylady.
31. Aýksıon jer qoınaýy ýchaskesiniń ataýyn, onyń negizgi sıpattamalaryn, jer qoınaýyn paıdalaný sharttaryna talaptaryn, aýksıondy ótkizý tártibin, qol qoıylý bonýsynyń bastapqy mólsherin jáne aýksıon adymyn habarlaýdan bastalady.
32. Aýksıonshy aýksıon adymynyń shamasyna artqan, bastapqy mólsherine teń qol qoıylý bonýs shamasynyń birinshi mólsherin habarlaıdy.
Eger bir jolǵy tólemniń birinshi mólsherin habarlaý kezinde jáne osy mándi úsh rettik qaıtalaýynan keıin aýksıonǵa qatysýshalardyń eshbireýi tirkeý nómiri bar taqtaıshany kótermegen jaǵdaıda, aýksıon toqtatylyp, ótkizilmedi dep tanylady.
33. Bir taqtaısha kóterilgen jaǵdaıda aýksıonshy taqtaıshany kótergen aýksıonǵa qatysýshynyń tirkeý nómirin ataıdy. Birneshe taqtaısha kóterilgen jaǵdaıda, aýksıonshy birinshi bolyp taqtaıshany kótergen aýksıonǵa qatysýshynyń tirkeý nómirin ataıdy.
34. Jer qoınaýyn paıdalaný quqyǵyn berý aýksıonynyń aýksıon adymynyń ótkizilý tizimdemesine aýksıonshy ataǵan tirkeý nómiri ǵana engiziledi.
35. Árbir kelesi bir jolǵy tólemniń mólsherin aýksıonshy aǵymdaǵy mólsherdi aýksıon adymyna artýymen belgileıdi.
36. Eger bir jolǵy tólem shamasynyń kezekti mólsherin úsh rettik habarlaýdan keıin aýksıonǵa qatysýshalardyń eshbireýi rettik nómiri bar taıqtaıshany kótermegen jaǵdaıda, aýksıon aıaqtalady.
37. Aýksıonnyń jeńimpazy bolyp – jer qoınaýyn paıdalanýǵa bir jolǵy tólem shamasynyń eń úlken mólsherin usynǵan aýksıonǵa qatysýshy tanylady.
38. Aýksıonnyń nátıjeleri aýksıon ótken kúni aýksıonǵa qatysqan barlyq Komıssııa músheleri qol qoıǵan hattamamen rásimdeledi jáne habarlanady.
39. Aýksıon nátıjeleri jóninde hattamada:
1) aýksıon ótkizilgen jer qoınaýy ýchaskesiniń ornalasqan jerine nusqaý men qysqasha sıpattamasy;
2) Aýksıondy ótkizýge qatysqan Komıssııa músheleriniń quramy;
3) aýksıonnyń jeńimpazy jóninde aqparat:
zańdy tulǵalar úshin – ótinish berýshiniń aty, meken-jaıy, memlekettik tıesiligi, zańdy tulǵa retinde memlekettik tirkeý jóninde aqparat;
jeke tulǵalar úshin – ótinish berýshiniń aty-jóni, ákesiniń aty (bar jaǵdaıda), zańdy meken-jaıy, azamattyǵy, tulǵany kýálandyratyn qujattar týraly maǵlumat;
4) qol qoıylý bonýsynyń bastapqy shamasy;
5) aýksıon nátıjelerimen belgilengen qol qoıylý bonýsynyń túpkilikti shamasy;
6) aýksıonnyń ótkizilmegeni týraly aqparat (sebepterin kórsetýmen);
7) ózge maǵlumattar kórsetiledi.
40. Aýksıon qorytyndylaryna oǵan qatysýshylar Zańda belgilengen tártippen shaǵym jasaýy múmkin.
41. Aýksıon nátıjeleri aýksıon qorytyndylary shyǵarylǵan kezden bastap bes jumys kúninen keshiktirilmeı resmı baspasóz basylymdarynda qazaq jáne orys tilderinde jarııalanýǵa jiberilýge, sondaı-aq Mınıstrliktiń resmı ınternet-resýrsynda ornalastyrylýǵa tıis.
6. Komıssııa qyzmetiniń toqtatylýy
42. Komıssııa Mınıstrliktiń sheshimi negizinde óz qyzmetin toqtatady.
Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesine 1-qosymsha
nysan
Qazaqstan Respýblıkasynda jer qoınaýyn paıdalaný quqyǵyn alýǵa konkýrstyq usynystar salynǵan paketterdi ashý hattamasy
Astana q. ______ jylǵy «___» ___________
Konkýrstyq komıssııa mynadaı quramda:
tóraǵa (tóraǵanyń orynbasary) ______________________________________ (aty-jóni)
Konkýrstyq komıssııa músheleri:
______________________________________________________________ (konkýrstyq usynystardy ashýǵa qatysqan tóraǵanyń orynbasarlaryn qosa alǵanda, konkýrstyq komıssııa músheleriniń aty-jóni)
Konkýrstyq usynystar salynǵan paketterdi ashý rásimin júrgizdi._________________________________(aty-jóni)
Konkýrstyq usynystardy myna ótinish berýshiler belgilengen merzimde usyndy:
1. _________________________________________________________ boıynsha (konkýrsqa qoıylǵan jer qoınaýy ýchaskesiniń (blogynyń) ataýy)
1) ________________________________________________________________;
(ótinish berýshiniń ataýy)
2) ________________________________________________________________;
(ótinish berýshiniń ataýy)
2. _________________________________________________________ boıynsha (konkýrsqa qoıylǵan jer qoınaýy ýchaskesiniń (blogynyń) ataýy)
1) ________________________________________________________________;
(ótinish berýshiniń ataýy)
2) ________________________________________________________________;
(ótinish berýshiniń ataýy)
Konkýrstyq komıssııa tóraǵasy: _____________________________________________________ (aty-jóni, qoly)
Konkýrstyq komıssııa músheleri: ______________________________________________________ (aty-jóni, qoly)
Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesine 2-qosymsha
nysan
Daýys berý paraǵy
R/s
№ Jer qoınaýy ýchaskesiniń ataýy, jer qoınaýyn paıdalaný quqyǵynyń túri, paıdaly qazba túri Konkýrsqa qatysýshy jeńimpazdyń ataýy
1.
2.
3.
4.
5.
6.
7.
8.
9.
10.
11.
12.
13.
14.
_____________ _____________________________________
(qoly, kúni) (konkýrstyq komıssııa múshesiniń aty-jóni)
Kómirsýtek shıkizatyna, kómir jáne ýranǵa jer qoınaýyn paıdalaný quqyǵyn berýge arnalǵan konkýrstardy ótkizý jónindegi komıssııanyń erejesine 3-qosymsha
nysan
Jer qoınaýyn paıdalaný quqyǵyn alýǵa konkýrs qorytyndylarynyń hattamasy
Astana q. ______ jylǵy «___» ___________
Konkýrstyq komıssııa mynadaı quramda:
tóraǵa (tóraǵanyń orynbasary) ______________________________________ (aty-jóni)
Konkýrstyq komıssııa músheleri:
______________________________________(aty-jóni)
______________________________________________________________
(konkýrstyq usynystardy ashýǵa qatysqan tóraǵanyń orynbasarlaryn qosa alǵanda, konkýrstyq komıssııa músheleriniń aty-jóni)
Usynylǵan konkýrstyq usynystar boıynsha daýys berý nátıjesinde daýys berý paraqtary qosa berilgen) ShEShTI:
1. Jer qoınaýyn paıdalaný quqyǵyn alýǵa konkýrstyń jeńimpazy bolyp:
1. _______________________________ boıynsha (konkýrsqa qoıylǵan jer qoınaýy ýchaskesiniń (blogynyń) ataýy)
________________________________; (jeńimpazdyń (aty-jóni) ataýy)
2. ______________________________ boıynsha (konkýrsqa qoıylǵan jer qoınaýy ýchaskesiniń (blogynyń) ataýy)
_______________________________________________________ (jeńimpazdyń (aty-jóni) ataýy)
tanylsyn.
2. Quzyretti organ resmı baspasóz organynda konkýrstyń qorytyndylaryn jarııalasyn.
3. Quzyretti organ belgilengen tártippen konkýrstyń jeńimpazdarymen kelisimsharttar jasasyn.
4. Myna obektiler boıynsha neǵurlym kóp daýys alǵan eki ótinish berýshi boıynsha qaıtadan daýys berý ótkizilsin:
_______________________________________ (konkýrsqa qoıylǵan jer qoınaýy ýchaskesiniń (blogynyń) ataýy)
1) __________________________________________________________;
(ótinish berýshiniń ataýy)
2) __________________________________________________________;
(ótinish berýshiniń ataýy)
5. _____________________________________ boıynsha (konkýrsqa qoıylǵan ken ýchaskesiniń (blogynyń) ataýy)
_________________________________________________________(konkýrs ótkizilmegen dep taný negizderi)
konkýrs ótkizilmegen dep tanylsyn.
Konkýrstyq komıssııa tóraǵasy ______________________________________ (aty-jóni)
Konkýrstyq komıssııa músheleri______________________________________ (aty-jóni)
Buıryq Qazaqstan Respýblıkasynyń Ádilet mınıstrliginde 2015 jylǵy 14 sáýirdegi Normatıvtik quqyqtyq kesimderdi memlekettik tirkeýdiń tizilimine № 10710 bolyp engizildi.